مراحل..

بهالتدوينة وكبداية بتكلم بشكل موجز عن كل المراحل اللي عشتها الى هاللحظة

 المراحل\

الصدمة(وهي بداية السوداوية اي بداية المشكلة,نشأتها)

:الأعتداء النفسي من قبل الوالدين ويتضمن خمسة أشياء او خمسة نقاط (مرتبة على حسب بدايتها) وهي

.الشجار-الضرب-الأهانة-الأنفصال-الطلاق

مابعد الصدمة(بتكون بداية الألم)\

الشعور بالذنب-عدم الأمان-نقص الثقة بالذات

الاكتئاب-المزاجية-الصديق الخيالي

التعلق بالأشياء الخاصة مثل الكتب, الألعاب...الخ

مابعد الطفولة\

كره احد الجنسين,البحث عن الحب

....بداية طريق الأستفسار

خطوة أولى..

 أخيرا خطيت اولى خطواتي في بداية الطريق -طريق الأستفسار-عن سبب مقنع وواقعي -ليش صار لي كذا؟ليش أنا؟مو من حقي أعيش بدون كل اللي صار؟  

كنت أتوقع بس أنا عشت طفولة سوداوية وان كل اللي جالس يصير بسببي انا يعني مستحيل يصير لأحد غيري لكن لما كبرت عرفت ان كثير كثير مشتركين بنفس الشيء عاشوا طفولة سوداوية ويمكن بعضهم طفولتهم أكثر سوداوية مني لكن ماافي حد يتكلم والأغلبية يعتبرونه شي طبيعي عادي مايتوقعون بيأثر واذا حد قال شي قالوا(انتي شنو قاعده تقولين؟خلاااااص شي وانتهى ماله لزوم تتكلمين وتعيدين) الا له لزوم اعيد واعيد واعيد لانني ابي افهم ابي اعرف ابي اسامح نفسي كنت اعتبرها المخطئة طوال سنين وأخر شي أعرف انه مو خطئ

انا قاعده اتكلم عن الطفولة السوداوية اقصد فيه اي اعتداء نفسي على الطفل

صدقوني بيظل محتفظ فيه طول عمره وبيكون له أكبر تأثير على أفكاره وقراراته لما يكبر مو مثل مايقولون صغير بيكبر وينسى لا ماراح ينسى

التدوينات الجاية بتكون عن مواقف ومقتطفات من طفولتي وعن طفولة شخصيات غيرت التاريخ كل هذا اسويه لانني ابي هالشي يوقف مابيه يقل ابيه يوقف بكتب عن اسوء الأيام مرت علي وانا طفلة وكان لها أكبر الأثر علي الحين وأنا كبيرة